5 MUSA 26:1-11

PELEAN PATUMONA NI NANIULA

 PATUJOLO

Buku 5 Musa on mangarimangi muse pardalanan dohot parpadanan ni bangso Israel dungkon tolhas nasida di tano habaoran ni susu dohot situak ni loba ima tano Kanaan. Ni uluhon ni si Josua, jala naung dilehon di nasida uhum dohot patik naimbaru i, ima patik na sampulu i (5 Musa 5). Laos dipatorang disi songon dia inganan laho pasahathon pelean tu Debata, jala boha rohangku nang pingkiranku laho pasahathon i (5 Musa 12) taringot tu pardongan saripeon (5 Musa 22:13-30; 25:5-10) dohot pasahathon pelean sian patumona ni na niula.

Tujuanna ima asa bangso Israel tutu jala marsihohot tu patik ni Debata jala marsitutu pasangaphon Debata, sotung nian gabe manirpang nasida laho mamele gana-ganaan naung pinauli ni bangso na asing i (Filistin, Mesir, Babel dan Assur).

 

ISI

Taringot pasahathon pelean patumona ni na niula marbingkas sian siala naung dipasahat Debata tu bangso i ima tano habaoran ni susu dohot situak ni loba i, tano Kanaan i (tanah perjanjian). Debata mangigil sian bangso Israel i, ingkon ganup nian nasida pasahathon pelean sian patumona ni na niulanai alana memang tano Kanaan i nunga dibaga-bagahon Debata tu ompu nasida na parjolo i (Abraham, Ishak, Yakub) jala dang lupa Tuhan di janjina i, dipasahat mai tu bangso i. Ditingki masa ni si Josua manguluhon nasida (ay. 1-11). Tangkas digombarhon si Musa di ay. 9, tutu ma attong tano Kanaan i habaoran ni susu dohot situak ni loba, jala dibereng ibana do tano Kanaan i, marerak, hambing, biri-biri, dohot lombu (habaoran ni susu) jala godang tubu angka hau na arga na adong di Israel buah kurma, anggur dohot hau narwastu na boi binuat miak nai (habaoran ni situak ni loba).

Facebooktwittergoogle_plusredditpinterestlinkedinmail

Tinggalkan Balasan

Alamat email Anda tidak akan dipublikasikan. Ruas yang wajib ditandai *