ROMA 10:8b-14

Mangkhamuliatehon Saluhut Naung Diulahon

 Patujolo

Godang do angka na pistar, na tongtong mangalului hasintonganna sandiri laho mangalapati  angka parbinotoan nang tu haporseaonna. Suang songoni do nang Halak Jahudi na diadopan ni Apsotel Paulusu ditonga-tonga ni halak Kristen na adong na diluat Rom. Songon na taboto,  Kristen diluat Rom, godang do sian Yahudi nang Junani. Na jotjot masa perdebatan ni Apostel Paulus dohot halak Jahudi dohot non Jahudi. Jahudi ima na maniop gomos status nasida gabe bangso na pinilit ni Debata (bangso Israel), jala holan nasida sambing do didok rohana na pinalua ni Debata marhite patik ni Debata. Mansai gomos do bangso on maniop jala manngingot sude angka patik ni siMusa, jala gabe habonaron secara mutlak do on dibahen nasida laho patuduhon hadirion nasida. Ido na umbahen jotjot siPaulus ingkon tegas mangalo angka pangajarion ni halak Jahudi alai holan sai patik i do dibahen nasida gabe dalan tu haluaon ndang dihaporseai jala ndang dijangkon nasida ia Tuhan Jesus disaluhut ulaonna i nang pambahenan ima na laho paluahon ganup jolma na mardosa, dibahen i naeng tangkas dipaingot siPaulus ndang patik na umbahen jolma asa gabe malua sian dosa jala ndang alani pambahenan ni jolma i alai tung alani asi ni roha sambing. Hombar tu turpuk jamita on ima Rom.10:8b-13 ima taringot tu Haluaon na binaritahon ni Apostel Paulus alai mattak do tongtong halak Jahudi mangalului hatigoran marhitehite patik. Nian tangkas songon na didok ni siPaulus diulahon nasida do ulahon parugamonna alai ndang malua (ay.2), jala sai dilului nasida do hatigoranna sandiri marhitehite patik (ay.3). On ma na ditantang siPaulus san halak Jahudi pemahaman na mandok alani pambahenan gabe tubu ma haporseaon, ndang adong sian boi jolma i manguahon na denggann anggo ndang adong haporseaonna on na tutu na naeng pabotohon ni Apostel Paulus.


Hatorangan

Donok do hata ni Debata (ayat 8b)

Holan alani lao mamaksahon hatigoran na binahen na sandiri jotjot do halak Jahudi mansoadahon aha naung binege jala naung jinalo nasida sian pangajarion naung nilehon ni siPaulus. Ido na umbahen na diondolhon hata on tu halak Jahudi dohot non Jahudi na sai mangalului hatigoranna sandiri marsidalian do nasida patuduhon hadirionna hera naso hea manangihon hata ni Debata asa gabe diatussi dohot diulahon nasida. Tangkas situtu pandohan ni siPaulus na mandok: Talpe do di ho hata.. hata on ima kutipan sian 5 Musa 30:14, na pinasahat ni siMusa tu bangso Israel hatiha i. Jala hata on dipasahat siPaulus na marlappatan do i: ia hata ni Debata tangkas situtu adong do roha nasida jala tangkas situtu dingolu nasida alai naeng ma nian tarida pangalaho sian hata ni Tuhan ni ngolu ni nasida siganup ari. Ndang na gabe dohonon ni siPaulus ndang ringkot patik i ringkot do alai ndang na gabe patubuhon haporseaon ni jolma, ala dung marhaporseaon do jolma i gabe diattusima mangulahon na denggan (Rom, 3:27). Asa unang be adong na mangalului panguntision dohot pambahenan na sandiri marguru tu parbinotoanna sandiri asa gabe malua ibana sian dosana. Sandok ndang adong jolma na boi mambahen tolak ukur manang syarat tersendiri tu dirina jala mangelek Tuhan i asa gabe malua ibana.

Facebooktwittergoogle_plusredditpinterestlinkedinmail

Tinggalkan Balasan

Alamat email Anda tidak akan dipublikasikan. Ruas yang wajib ditandai *