EPISTEL MINGGU 11 SEPTEMBER 2022 – PSALMEN 51:1-10

Epistel Minggu XIII Dung Trinitatis 11 September 2022
MINGGU XIII DUNG TRINITATIS
MINGGU, 11 SEPTEMBER 2022
“DIHALOMOHON DEBATA DO HAMUBAON NI ROHA”
Psalmen 51:1-10

PATUJOLO

Digurithon raja David do Psalmen on, gabe sada ojahan namangido dibagasan tangiang asa dang dipajujur Debata dosana. Daud ima sahalak raja na niurapan ni Debata marhite Samuel. Tangkas panjouan ni Debata tu si Daud gabe raja ndada ala habalgaon nang pambahenan ni si Daud naung ditanda halak Israel saleleng on songon sahalak jolma na margogo, ulubalang ni loloan manang anak ni raja, alai sian ulaon parmahanion. Sahalak parmahan do ibana na diparar Debata gabe sahalak partogi di harajaon ni Debata. Uju kepemimpinan Daud tung godang do hamajuon di bangso Israel, mamora jala lam balga do hajongjongan ni bangso i. Alai disi kejayaan i dapot si Daud, laos disi do ibana tarunjun mambuat Batsyeba gabe ripena, marhite na marsangkap ibana dihamamate ni naposona si Uria ulu ni si Batsyeba. Pangalaho on mambahen ro rimas dohot singotsingot ni Debata marhite Natan. Asa mananda ma Daud dihasalaanna jala mangido hasesaan dohot haluaon tu Debata di bagasan tangiangna ima turpukta on.

Ketika Daud benar-benar menyadari akan dosanya yang telah merencanakan kematian kepada Uria suami dari Batsyeba, serta menginginkan Batsyeba menjadi istrinya. Allah melalui Natan benar-benar menegor Daud, dan menyadarkan Daud akan dosanya. Sebagai seorang raja dari umat Allah, Daud tidak patut melakukan perbuatan tersebut. Sebab Daud adalah perwakilan Allah dalam memimpin umat Tuhan, sehingga umat tersebut benar-benar diberkati oleh Allah. Maka di dalam doanya, Daud benar-benar mengharapkan pengampunan dari Allah akan kesalahannya. Daud mengharapkan kemurahan hati dan kasih dari Allah untuk mengampuni dosanya. Mari belajar dari Yehezkiel 33:11 dikatakan “Katakanlah kepada mereka: Demi Aku yang hidup, demikianlah firman Tuhan ALLAH, Aku tidak berkenan kepada kematian orang fasik, melainkan Aku berkenan kepada pertobatan orang fasik itu dari kelakuannya supaya ia hidup. Bertobatlah, bertobatlah dari hidupmu yang jahat itu!” berangkat dari ayat ini, mari kita bersyukur, yang ternyata Allah menghendaki pertobatan kita dan memberi pengampunan akan orang-orang berdosa. Tuhan itu baik!

HATORANGAN

Songon na dilele haliluna do panghilalan ni si Daud ala dosana. Mabiar situtu ibana di panghorhon ni dosana i mambahen parsahiton di tonga-tonga harajaon Israel. Tarida do i sian pangalaho ni Absalom anakna na so unduk tu ibana, jala dipangaleleon ni harajaon na asing na laho mangalengsehon Israel. Asa panghuling ni panolsolion on ma mangonjar roha Daud ro martangiang tu Debata mangido hasesaan ni dosa.

Ay. 1-7. Soara Panolsolion Daud di Bagasan Tangiangna.

Dipasahat si Daud do saluhut holso dohot ganggu ni rohana tu Debata. Tung marsak situtu ibana marningot angka dosana di adopan ni Debata. Sintong do dang adong jolma na asing namamboto pambahenanna i. Alai ditopoti ibana do na patar do sude di adopan ni Debata (Heber 4:13). Ndang tartabunihon be dosana maradophon Debata jala mabiar situtu ibana tu Debata. Asa disolsoli ma saluhutna i di bagasan tangiangna: asi ma roham di ahu ale Debata…(ay 3); ias situtu ma au buri….paias ma dosangku (ayat 4); nunga huboto pangalaosionku……..(ay.5); dompak Ho sambing au mardosa……(ay 6); jala di bagasan dosa do au tubu……….(ay 7). Ketika Daud berbuat dosa, maka betapa sakit yang dialaminya. Ketika manusia dikejar rasa bersalah, maka hidupnya tidak akan tenang. Dirinya terancam, hidupnya terancam, kerajaannya terancam, anak-anaknya tidak menghormatinya. Maka dikeadaan ini, Daud pun kemudian mengingat-ingat dosanya dan datang mohon pengampunan kepada Tuhan. Dalam doanya, Daud benar-benar menyesal, Daud berharap Allah mau mengampuninya.

Ay. 8-10. Panghirimon Raja David tu Debata Ima Hasesaan ni Dosa.

Dung di pasahat Daud saluhut holso dohot panolsolion ni rohana, tagam situtu do ibana di asi ni roha ni Debata tu ibana. Managam do ibana dihasesaan dohot dihaluaonna sian dosa. Jala saluhutna i dihaposi ibana ndada ala haburjuonna manang ala pambahenanna, tung holan ala asi ni roha ni Debata sambing do. Asa ima na mangonjar ibana marhaposan tu marpanghirimon mandok: “sai urasi ma au sian dosangku….sai buri ma au…(ay 9)”. Dalam pengakuannya akan dosanya, bahkan Daud mengakui bahwa sejak dilahirkan dia sudah berdosa, berharap Tuhan tidak murka kepadanya. Ada pengharapan dalam hati Daud, bahwa Allah mendengarkan doanya.

Kunjungi juga kanal YouTube HKI untuk mengetahui informasi seputar pelayanan HKI.

HAHONAAN

Panandaion diri na gok hahurangan di adopan ni Debata ido napinangido ni turpuk on. Dilehon Debata do di jolma i kehendak bebas mangula angka ulaonna. Alai ndada mandok asa manuntun lomo ni rohana pangalaho ni jolma i. Alai ingkon tongtong mardongan hata ni Debata. Marsiajar sian pengalaman si Daud di dosana, sai dilele ganggu ni roha do ibana uju dang ditopoti hasalaanna tu Debata. Gabe lomos ibana di angka ulaon, marsak diganup ari jala ndang adong hadameon laho manguluhon bangso i. Asa pengalaman on ma mangonjar hita marsiajar paubahon diri. Sipata sai tatuntun do lomonta. Nunga taboto na salah na taula i, maralo tu lomo ni roha Debata, alai sai mian dope hita dibagasan hohom ni roha manabunihon jala mandok ‘ndang adong na umbotosa’. Lupa hita na adong do Debata na marnida saluhutna na taula di portibion. Taingot ma i, diganup na taula diboto Debata do sude.

Parasiroha do Debata, alai ndada dihalomohon Debata sai mian hita di bagasan dosa. Asa napinangido di hita saluhutna ima: mananda, manopoti dosa dohot mangido hasesaan ni dosa tu Debata. Jala marningot hita hamumulak ni jolma sian dalanna na manimbil sian Debata ido nahinalomohonNa. Nang pe tertekan panghilalannta siala na songgop, ndada asa talaosi patikNa laho mangalului hasosombu ni roha marhite na manengahon hadirion, marsomba tu ganaganaan, mangasahon gogo ni portibion; sandok holan Debata ma natapangasahon, tu Ibana ma hita mangalualu, mangido pangurupion “donok do Jahowa di angka na bojok marroha, jala ditumpahi do angka na pogos tondi….” (Psalmen 34:19-21). Mari kita hidupi dan yakini bahwa kembali ke jalan Tuhan adalah keselamatan yang penuh kebenaran dan kasih. Amen.

Penulis:
Pdt. Godman Tampubolon, S.Th, M.Pd

Penyunting:
Yohanes Simatupang