EPISTEL KAMIS 26 MEI 2022 – PSALMEN 68:8-19

EPISTEL KAMIS, 26 MEI 2022 - GABE SITINDANGI NI KRISTUS SAHAT TU UJUNG NI PORTIBI ON

Epistel Kamis 26 Mei 2022
HANANAEK NI TUHAN JESUS
KAMIS, 26 MEI 2022
GABE SITINDANGI NI KRISTUS SAHAT TU UJUNG NI PORTIBI ON
Psalmen 68:8-19

PATUJOLO

Sadari on marningot do hita di ari hananaek ni Tuhanta Jesus Kristus. Sada las ni roha bolon do i di hita. Na gabe turpuk Epistel Kamis 26 Mei 2022 sadari on dibuat do sian bukku Psalmen 68:8-19. Boi dohonon “ende hamonangan” do buku Psalmen 68 on, na diendehon di sada ulaon ari raya, na dipapujipuji Debata gabe Raja di Jerusalem (Psalm. 24). Digombarhon isi ni Psalmen 68 on do tong taringot tu sejarah ni bangso Israel mamungka sian haluaon nasida sian parhatobanon Misir, sahat tu tano parhorsihan dohot dolok Sin, porang na mansai hebat laho mangeahi tano naung dibagabagahon tu nasida, suang songon i nang panurirangon taringot tu saluhut bangso na ingkon manghatindanghon paboa na sasada Jahowa do Debata na patut sisombaon nasida.

Marningot hasomalon na masa di parsombaon nasida dipatupa nasida tangiang dohot pujipujian tu Debata marhite tangiang dohot ende na diwarisi nasida sian ompunasida, boi ma dohonon hirahira songon on ma parmasa ni Psalmen on: Di ombas ni angka panguhum, andorang so gabe inganan hamianan ni Debata dope huta Jerusalem, “Ro Jahowa sian Dolok Sin” laho manguluhon pardalanan ni bangso-Na. Dungi dipapujipuji Ibana di Basan di atas ni dolok Tabor, inganan ni bangso Israel marpungu laho marporang (Panguhum 4:12, 15; 5:13), jala diendehon nasida ende sian si Debora. Di si ma Jahowa Debata ni Israel, dipuji di bagasan hata manang kiasan na marharoroan sian budaya ni angka bangso di abad 13–10 sM. Jala dung dipadiri bagas joro di Jerusalem, tong do diendehon Psalmen on gabe pujian tu Jahowa, naung gabe Raja.

BACA JUGA BAHAN JAMITA KENAIKAN TUHAN YESUS – KAMIS, 26 MEI 2022

HATORANGAN
Ayat 8-11

Marhite hasomalan dung haluar bangso Israel sian tano parhatobanon Misir, dipapujipuji do Debata siala saluhut: hatiha na haruar Debata laho marporang (2 Musa 11:4; Panguhum 4:4; Jes. 42:13; Sak. 14: 3) laho paluahon bangso-Na (Hab. 3:13), mardalan do Ibana di jolo ni bangso-Na i di tano parhorsihan (2 Musa 13:12) laho manjangkon nasida di dolok Sinai. Molo ro Debata, humintal ma portibi on, jala dobar udan sian langit (Panguhum 5:4-5; 2 Musa 19:18; Hab. 3:3-6; Psalm. 18:7; Mik. 1:1-3). Laos marhite haroro ni udan sekaligus ma martudutudu tu udan manna (Psalm. 78:4) na memulihkan hagogogoon ni bangsoNa i (hombar tu 5 Musa 4:20; 9: 26, 29) dohot udan di musim semi na mambornohi tano (Jer 2:7; 16:18) na tungil, asa sude angka na pogos jala na di pagosagosa, i ma Israel sandiri, boi hot jala manjalo “saluhut na denggan” laho manggohi na ringkot di ngolu nasida.

Ayat 12-15

Dipapatar Debata diri-Na na marhuaso situtu – Syadai, sada goar ni Debata na marharoroan sian masa andorang so Israel, jala na diambil alih laho pahonahon tu Jahowa–ndang haru diantusi be lapatan ni pandohan i, rap dohot terjemahan Yunani Kuno, LAI memangke hata Na Badia–disi dibege hata ni Debata songon Barita Nauli, isarana barita: “jala bahenonHu do hamu gabe bangsoKu, Ahu gabe Debatamuna.” (2 Musa 6:7) di dolok Sin dohot angka barita hamonangan (Panguhum 4:14; pat. Ay. 2) dan pelepasan (Jes 40: 9-10).

Somalna sahalak sambing do na mamboan barita hamonangan (pat. Jes. 52:70) di son marratus na manaruhonsa, mungkin langsung dohot angka jarahan na marlobilobi na naeng dibagi “parompuan di jabu” sian nahinan parompuan, na didok di terj. Yunani Kuno “si cantik”. Di parporangan maradophon Sisera, parangan ni si Ruben ma “na tinggal hundul di holangholang ni angka lobu” mangurus angka birubiruna (Panguhum 5:16), jala angka suku na asing na marpungu di Tabor mulai menyerang; bisa jadi bahwa mereka maju dalam formasi yang menyerupai burung dan memperoleh jarahan perak dan mas, atau pun bahwa di atas medan pertempuran tampak suatu awan yang berbentuk merpati yang mengilau (pat. Hes 1: 4), diida nasida ombun i songon tanda hataridaan ni Jahowa, penunggang ni angka ombun i (ay. 5). Dolok naung marbirong i/ golap (inilah arti kata Zalmon) gabe marbontar songon salju, tanda halongangan, ala di Palestina holan tolu hali do ro di bagasan saratus taon (satu abad). Ia goar ni “dolok Zalmon” holan Panguhum 9:48 do i didok, sada dolok na jonok tu Sikhem.

Ayat 16-17

Inganan manang habangsa ni Debata maringanan di dolokNa. Tu si ma Ibana ro di bagasan hamuliaon laho jumpangan ni angka bangsoNa. Hampir saluhut bangso do marnida dolok gabe inganan hamianan ni angka dewa-dewa. Ala ni i ai atas ni torop dolok dipajongjong inganan na badia manang kuil di debata. Mulai sian na dipillit Debata dolok Sion gabe inganan hamiananNa jala sian na berkenan Ibana pasombuhon goarNa mian di bagas joro na pinauli ni Raja Salomo, (1 Raj 8: 12-13, 29; 5 Musa 12:5), gabe “dolok ni Debata” ma Jerusalem (pat. Psalm 48:3). Alai andorang so i, ternyata “dolok Basan” hea di pandang sebagai sada dolok agung na badia.

Di dida do dolok i? Wilayah Basan terletak di lembah Yarmuk di sebelah timur Yordan berhadapan dengan wilayah suku-suku Isakhar, Zebulon dan Naftali; di perbatasan ni na tolu suku on menjulang gunung Tabor na haidaan sian dolok Basan. Jadi, tung mansai tangkas do molo taparrohahon Psalmen on godang hasarupaanna dohot ende ni si Debora. Goar ni si Zebulon dohot Naftali tarida di na dua ende i (ayat. 28; pat. Panguhum 5:13). I do umbahen na besar kemungkinan di abad na-11 sM suku-suku Israel Utara memandang dolok Tabor di sebelah barat daya danau Genezaret i dolok ni Debata.

Ayat 18-19

Tusi ma nangkok Jahowa (Psalm. 47:6), molo ro Ibana sian dolok Sin (Panguhum 5:5; 5 Musa 33:2), menurut hasomalan ni suku-suku Utara, manongtong do mian Debata di dolok Sin/ Horeb (pat. 1 Raj.19). Mardongan angka hureta ni Debata naso habilangan toropna (pat. 2 Raj 6:17; Jes. 66:15; Hes. 1) sebagai Raja Surgo (Psalm. 29:10) na apala ipe monang jala mangusung angka na tarhurung dohot hadiah (jarahan) na nidapot-Na songon Ulubalang.

Kunjungi juga kanal YouTube HKI untuk mengetahui informasi seputar pelayanan HKI.

HAHONAAN

Najolo angka jolma na marugamo manomunomu haroro ni Debata na ro tu dolok na badia memangke angka ombun dengan suara yang dahsyat sebagai raja ilahi; angka jolma na marpungu di Bagas Joro mamuji Debata na ganup taon mengalehon haluaon sian hamatean jala mangalehon hagogoon na imbaru tu bangsoNa. Hamonangan na marharoroan sian Debata na manaluhon hamatean, i ma na gabe dasar ni pujipujian tu Jahowa.

Dung i, mamangke angka hasomalan najolo i jala mengiaskannya secara baru, dijangkon bangso Israel Jahowa na ro sian dolok Sin i tu dolok na badia na pinillit-Na i. Nunga ro Jahowa mamboan haluaon na imbaru. Ibana do naung maju marporang di jolo ni bangso-Na laho mangalehon tu nasida, i ma tano naung dibagabagahon jala Ibana sandiri na mangaramoti saluhut suku-suku Israel. Ibana do Raja ni sandok portibi on jala ha-Tuhanon-Na ingkon angkuan ni saluhut halak. Nunga dipapatar Tuhan i di medan sejarah jala patubuhon pujipujian na marsuraksurak.

Tingki on, Tuhan dohot Rajanta i ro secara mengherankan; Ibana mamorsan dosanta, sogo ni roha dohot haotoon ala ni na hosukan di huaso; Ibana manggohi angka na ringkot di ngolu ni na dipagosagosa, na loja jala na sorat dohot na dipapulik. Hamonangan na jinalo-Na di Silang-Na na badia i, i ma hamonangan maralohon huaso ni hagolapon na memusuhi Debata dohot jolma. Marhite i ma dipalua Debata hita sian huaso ni hamatean, jala hatiha “manaek Ibana tu inganan na timbo” – hehe jala manaek tu surgo – “Diusung Ibana angka na tarhurung jala pasahathon silehonlehon-Na tu saluhut jolma” (pat. Ep. 4:8 na marharoroan sian Psalmen 68). Hagogoon na nilehon-Na i, ima Tondi Porbadia, asa boi hita manghobasi dohot manghaholongi Debata dohot dongan jolma, padengganhon huria-Na di bagasan holong ni Tuhanta i.

Ojahan ni turpuk Epistel Kamis 26 Mei 2022 sadari on i ma: “Gabe Sitindangi Ni Kristus Sahat Tu Ujung Ni Portibi On”. Hombar tu hatorangan ni turpuk nanung pinatupa di ginjang on, naeng dohononna tu hita: Hamonangan ni Kristus gabe ojahan lasnirohanta laho manghatindanghon Kristus i sahat tu ujung ni portibi on. Jala i ma na gabe pujipujian di bagasan ngolunta. Jala taingot ma, ia hamonangan ni Kristus i bersifat partondion do. Alani i, harajaon-Na i ndada marojahan tu pola ni portibi on, alai papataron-Na marhitehite panindangionta di portibi on, jala ingkon perjuanghononta laho manuju – songon di bagasan sada arak-arakan – tu Ibana na naeng manjadihon saluhutna denggan jala imbaru. Amen.

Penulis:
Pdt. Timbul Siregar, S.Th

Penyunting:
Yohanes Simatupang

Bagikan Postingan ini:

About Yohanes Simatupang

Staff Biro Infokom

View all posts by Yohanes Simatupang →