AMOS 6:1a, 4 – 7, EPISTEL MINGGU XVIII DUNG TRINITATIS, 25 SEPTEMBER 2016

EPISTEL MINGGU XVIII DUNG TRINITATIS, 25 SEPTEMBER 2016

NATS : AMOS 6:1a, 4 – 7

Ibadah Yang Benar Dihadapan Tuhan

Patujolo

Panurirang Amos manurirangi di na lam so ditangihon bangso Israel dohot angka bangso na humaliang Israel be hata ni Debata na sinuarahon ni angka panurirang. Marhite panurirang Amos dipabotohon paboa naung dibilangi Debata Jahowa hadosaon ni ganup bangso jala na mambahen “patungoromon Jahowa sian Sion jala dipangiar soaraNa sian Jerusalem” (ida 1:2). Nunga mansam tanda-tanda ni uhuman naung binahen ni Debata Jahowa tu angka bangso, marhite ari logo, haraparon, bala dohot angka na asing dope, asa diboto angka bangso nian hamuruhon ni Debata Jahowa marnida hajahaton nasida. Alani i nunga dibuhul Debata Jahowa uhuman tu angka bangso, jala uhuman na sogir tu bangso Israel. Didok Debata tu bangso Israel : “Holan hamu do nian na hutanda sian nasa bangso di tanoon, dibaheni luluhononku ma tu hamu saluhut hajahatonmuna i” (ida 3:2). Songon babiat na patungoromon do Debata Jahowa digombarhon mamereng hajahaton ni Israel dohot angka bangso na humaliang, na rade manoro nasida jala mambahen pamaloson. Nunga pola mangandung panurirang Amos marnida uhuman na naeng pamasaon ni Debata Jahowa. Alai nang pe songon i, ala Debata na lambat tarrimas do Debata Jahowa, sai disosoi dope bangsona asa mangalului Debata Jahowa, asa mombun rimasna jala mangalehon hangoluan tu bangsona. Singot-singot parpudi do jamita on tu bangso Israel, na laos sipaingot ni Debata tu hita asa tahangoluhon na denggan na mambahen mombun rimas ni Jahowa. Pinamanat sian hata panurirangan ni si Amos, sapartingkian do ibana dohot panurirang Jesaya dohot Jeremia, ima tingki andorang so madabu bangso Israel tu habuangan Babel manang di sekitar taon 730 andorang so Kristus. Tingki hapanurirangon ni si Amos dao jumeppek do i sian panurirang na dua i jala inganan panurirangionna tumatangkas ma i di luat Betel. Betel ima huta habadiaon ni raja jala hundulan harajaon Samaria.

Hatorangan Ni Turpuk

Ayat 1 :Marjea ma jolma angka na pedem marroha dibagasan sion dohot angka na marpangatauan tu dolok samaria, mandokhan on marlapatan  Diida Debata Jahowa do nasa na niula ni jolma ganup marsada-sada, dang adong na buni sian parnidaanNa. Nunga gok hajahaton bangso i tarlumobi mai pangalaho ni angka na mora dohot na marhuaso. Panuriranf Amos maminsang halak Yehuda  na rorang, nang halak Israel siala harorangan na i marujung dohot hamagoan. na marpangatauan tu dolok samaria nanarlapatan adong haporseaon tu hagogoan na bolon sian patanobatoan songon dolok  sian luat i. Alai dilapati ma i songon na mengacu tu perasaan aman jala porsea tu hagogoon  nasa sandiri.

Ayat 4-7:  Nunga gok hajahaton bangso i tarlumobi mai pangalaho ni angka na mora dohot na marhuaso. Dihasogohon nasida do uhum hasintongan, alani i jea do ro tu angka halak sidok hasintongan. Halak na pogos jala ganup halak na lao mangula siulaon ingkon manggarar sisip manang suap. Di pinsang debata do Bangso na nihahongi Tuhanta na adong di Israel dohot Jehuda marhite panurirang amos siala.

1. Huaso dohot hapistar na adong di nasida dipakke lao mangulahon dosa. Bangso i porsea bahwa na adong di nasidai  patakkaso  nasida bangso na dipasupasu Tuhanta porsea do nasida nang pe mangulahon dosa nasida dang na ro uhum ni Debata. (mereka menyatakan keberhasilan materi yang mereka miliki membuktikan bahawa mereka hidup dibawah berkat Allahh, sehingga mereka yakin hukum Allah tidak adan pernah datang).
2. Hamoraon na adong di nasida gabe mambahen nasida lupa tu Tuhan jala lebih manghaholongi portibion on nasida. (kemakmuran membuat mereka hanyut dalam dunia ini dan kerinduan yang mendalam dan tetap kepada Allah tidak ada lagi).

Nunga disangkapi Debata Jahowa pamalosonNa tu bangsoNa, jala dipabotohon do i na naeng ro Ibana mamalois hajahaton nasida. Alai posea do nasida tung na so ro uhum ni Debata ti nasida (mereka bertindak seolah-olah hari malapetaka itu tidak akan dating). Molo naung ro tingki na sude huaso dohot sude nasa na adong di nasida ingkon buaton ni Debata nama i jala lao ma nasida tarusir di bagasan harumaron (dengan tanpa hampa). Dang manigor dipamasa Debata Jahowa uhuman nasinangkapanNa so jolo dibahen singot-singot na parpudi. Alani i disoarahon dope marhite suruan na sinuruna ima panurirang, asa mulak nasida tu Debata Jahowa marhite na mangulahon uhum hasintongan ni Debata ima manghaholongi na denggan. Holan angka na mangulahon na denggan do na mangulahon lomo ni roha ni Debata, ai hangoluan dohot hadengganon do diula Debata.

Tung dihudus halak Israel Utara do uju i mangalului angka na pasonang rohana marhite ragam ni angka na palas rohana hape nunga tarrobung nasida tu pargadombuson dohot hahormuson. Jala tong do diula nasida na marsomba tu debatana di Betel dohot di Gilgal jala parjamita nasida, i ma si Amasia, ima parjamita na pageokgeokhon pinggol nasida. Jala na mambahen nasida marhehe tindang marende i hombar tu hagiot nasida be. Ditingki Apostel Paulus pe nunga hea dilumbahon parjamita dohot pangajari sisongon i tu si Timoteus di na nidokna: “Ai na ro ma tingkina, ndang tartahan halak di si poda na tingkoss i, alai mangihuthon hisaphisap sandiri ma alapon nasidaa pangajari na pageokgeokhon pinggol nasida” ( 2 Tim.4:2). Dibahen i tung sude do hita hasahatan ni jamita on, asa tung ungkap ma rohanta manangihon goragora na arga on, unang salpu boti songon alogo na mamolus sambing. Naeng ujionta jolo mengevaluasi nasa panggulmitonta nasa ulaonta nang pambahenanta ro di parugamaonta. Tontu masihol do hita di hasonangan (kesejahteraan), alai ndada hasonangan (kenikmatan sesaat). Miduk do warga masyarakat nang ruas ni hurianta naung mamora jala maduma tu angka tingki na parpudi on. Tahalashon jala tahamauliatehon do i. Alai beha do tutu suraon do nasida sejahtera di keluarga nasida manghamauliatehon saluhutna i.

Hahonaan

1. Tanda ni pertobatan, ima ibadah na sejati (Rom 12:1 Na huapoi ma hamu, ale angka dongan, marhitehite asi ni roha ni Debata: Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha.) Ibadah na sejati ndada holan na ringgas marminggu nang partangiangan alai ngolunta i do siganup ari. Di gereja kita berbakti, di masyarakat kita mengabdi (beraksi). Lapatanna, ibadah na sejati ima na tarida marhite ngolu dohot parangenta siganup ari. Parmingguon, nang partangianganta i ndada songon bajubaju. Ro tu gareja dipangke ‘baju’ na burju pasahat pelean. Alai mulak sian i dibungka ma i, ditadingkon ma Debata na di gareja i, dungi dipangke ma baju ngolu siganup ari (berlaku tidak adil, dipongkihi na pogo, manjalo sisip, manipu, dna).
2. Tapangke ma ngolunta on gabe inganan partangiangan mandapothon Debata, hidup yang beribadah. Unang adong di partingkianta, mencoba mandapothon manang aha pe songon na binahen ni halak na so marugamo (sileban) laho mandapotsa manang aha pe. Alai boi do ndang mampanghorhon partangiangon tu praktek ngolu siganup ari, dibahen i mansai tajom do dialo si Amos nasa bentuk ibadah na munafik. Ringgas do marminggu manang tu partangiangan hape realitas ni ngoluna siganup ari dao sian hatigoran ni Debata. Ihut tusi muse ditulak Debata do partangiangan na holan pasonang tokoh tertentu ditonga ni ruas (3:21). Boi do disada tingki masa pahosing uhum (ketidakadilan) ala ndang marlangku uhum i. Molo masa pe na songon i, ndang pasombuon ni Debata kondisi i torus mardalan. Holan, talehon ma dirinta gabe ulaula ni Debata pasauthon hasintongan dohot hatigoran ni Debata marhite na tabuhai sian dirinta be. Boha do asa adil uluan tu bawahan, adil parhalado tu hasahatan ni pelean ni ruasna, pamarenta tu rakyat, dna. Unang tatuntut keadilan, hape hita sandiri ndang berkeadilan: “bohama i ?” taulahon ma keadilan i, naeng ma keadilan i margulung songon batang aek hatigoran mengalir ganup ari so hea mansohot. Nunga dilehon Jesus dalan di hita laho mulak tu Ibana, dalan pardameanta dohot Ibana; jala dibagasan Jesus dipajongjong dalan di hita mulak tu hangoluan sisalelengnilelengna asa mardalan hita di hatigoranNa. Amen

Cln. Pdt. Dewi Simbolon, STh