LUKAS 9:51-62, EPISTEL MINGGU V DUNG TRINITATIS MINGGU, 26 JUNI 2016

PATUJOLO

Di parngoluon on, godang do cara tabahen asa songon na diakui jala diparsangapi dongan hita. Sisean ni Jesus pe diula do songon i, asa umbalga dirina dirohana sian sisean na asing di adopan ni Jesus. Hape, diboto Jesus do roha nasida dipersaingan i.

Ditingki sisean i sai mangeahi habalgaonna, sasintongna nungga madabu nasida tu haginjangon ni roha. Ndang diingot hadirionna paboa sisean ni Jesus Nasida.

Di Kapernaum, si Johannes melapor tu Jesus, nungga diorai nasida halak na boi pabalihon tondi na jahat marhite na mangasahon goar ni Jesus. Diorai ala ndang sapardalanan jala ndang didongani nasida mangihuthon Jesus.

Semangat jala bangga si Johannes paboahon tu Jesus. Didok rohana, nungga tingkos na niula jala na nidokna i. Hape, balik sian rohana do alus ni Jesus, asa unang diorai, i na so mangalo hamu, ai donganmuna do i. Tongtong do Jesus mangajari dohot dalan paingothon angka sisean i.

Marhite turpukon, dipapatar do tu hita rumang ni pangalaho naung manjangkon jala na mangihuthon Jesus sihangoluhononta.

HATORANGAN NI TURPUK

Ayat 51-53

Dung jonok tingkina, na naeng dipasahat na ma Anak ni Jolma i tu angka Sintua ni Malim dohot tu angka Siboto Surat, jadi marutang hosa ma Ibana uhumonna, jala pasahatonna ma Ibana tu parbegu. Pola ingkon mate ibana bunuon (bnd. Mrk. 10:32, Mat. 16:21). Borhat do Jesus rap dohot sisean i sian Kapernaum tu huta Jerusalem manggohi na tarsurat i. Disuru do sisean i patujoloNa tu Samaria andorang so tu Jerusalem parade parborginan.

Tu Jerusalem adong dua dalan ima sian Samaria dohot Pera,  jala jumonok molo sian Samaria. Somalna, halak Jahudi atikpe jumonok, ndang olo sian rute Samaria, ala ramun jala marmusu do nasida. Alai, ianggo Jesus dohot sisean i mamolus jala marsangkap marborgin di Samaria.

Ndang dijangkon halak Samaria i Jesus i. Parmusuon i do na margolgol diateate nasida. Ro do Jesus manopot jolma i, ditopot do halak Samaria i, naeng mian Jesus i. Gumogo do parmuson i diateatena gabe manulak Jesus i.

Ayat 54-56

Lungun dihilala sisean i, pola tubu rimas ala ndang dijangkon Jesus i. Marnida i, si Jakobus dohot si Johannes, mandok, “Tuhan, anggo olo Ho, hudokkon hami ma turun api sian ginjang mangalengsehon nasida”. Ala memang holong do roha nasida tu Jesus.

Diholong ni roha nasida i, tong dope mian roha na bersaing, ido nang gabe alasan umbahen si Johannes dohot si Jakobus sigap diadopan ni Jesus laho patuduhon hapantasonna gabe sisean haholongan ni Jesus marimbanghon na asing.

Udutna muse, ditingki harajaon Ahasia di Samaria dimasa panurirang Elia, si Ahasia mangido pangurupion ndang tu Debata alai mangido hamamalumon tu Baal Zebub, debata di Ekron. Alani i, si Elia mandok, ingkon ndang malum parsahiton i si Ahasia. Pandohan mambahen muruk si Ahasia tu si Elia. Jala si Elia mandok,  “molo tutu halak ni Debata ahu, ingkon madabu ma api sian banua ginjang jala suda panganonna ho dohot paranganmu silimapulu halaki! Jadi madabu ma api sian banua ginjang, jala suda ibana dipangan dohot paranganna silimapulu i”.

Porsea do sisean na dua i  tu Jesus,  ima Anak ni Debata umbahen barani nasida mandok songoni, asa suda halak Samaria na so manjanghon Jesus songon ompuninasida.

Muruk do Jesus tu sisean i, laos dipatuduhon Jesus i do Anak ni Debata Ibana marhite alusna tu si Jakobus dohot si Johannes. Jesus mandok, “ndang diboto nasida hape Tondi dia na dipangke nasida. Ndang diboto nasida dope ai ndang disuru Debata Anakna i tu portibion, asa uhumanna; naeng paluahonna portibion tahe, umbahen na disuru. Jala molo ndang dijangkon Jesus di huta i, adong dope huta na asing na olo dope manjanghon nasida. jala tu huta i ma na naeng sitopoton ni Jesus dohot angka Sisean i.

 Ayat 57-62

Diuduti Jesus dohot sisean i ma pardalanan nasida manopot Jerusalem. Dipardalanan i, sahalak siboto surat mandok, “sai iuhutononku do Ho, manang tu dia pe Ho laho” (Mat. 8:19). Dialusi Jesus do na mandok, “na marliang do angka antuasu, namarasar do pidong na martongatonga langit; alai anggo di Anak ni jolma i ndang adong hapeahan ni uluna”.

Ndada ala hatangkangon manang hajahaton ni Jesus umbahen na ditulak. Na lambok do Jesus i mangajari  diangka na olo manangihon pangajarionna. alai ndang adong na olo mangjanghon Ibana masuk tu bagas nang tu roha ni angka jolma i.

Dilanjuthon muse na mandok tu Ibana ima sahalak na asing na naeng mangihuthon Jesus alai adong alasanna ima: na naeng mananom damang! Lapatanna: molo di bangso Jahudi adong do adat istidat dipatupa tu angka keluargana na naung mate jala sian pihak keluarga do na berperan penting disi. Alai ninna Jesus mangalusi: Pasombu ma angka na mate mananom na matena; alai anggo ho, borhat ma mamaritahon harajaon ni Debata. Jala dia yat 61 didok: loas ahu jolo martinading hata tu angka donganhu sabagas. Lapatanna: molo naung tajalo do Jesus i jala molo nunga adong keputusan dihita laho mangihuthon Ibana ingkon hibul ma rohanta mangihuthon Ibana unang adong alasan na asing. Ima borat ni na mangihuthon Jesus i. Godang do angka resiko na naeng diadopi alai ingkon siap do mangalewati i asa mandapothon hangoluan marhite Jesus.

 HAHONAAN

  1. Manjanghon Jesus Kristus Mian Di Rohanta

Molo disungkun hita, naung songon dia do  panjanghononta tu Jesus i? Godang do naso boi mangalusi. Ro do Jesus i manopot hita, nang marhite Hata ni Debata diparmingguonta, di tangiangta, di rumahtangganta, di parkarejoanta. Alai ndang rade hita manjangkon. Jala las tarida do panjangkonon i marhite pangalaho na na dihalomohon Debata.

  1. Tantangan Na Mangihuthon Jesus Kristus

Ndada holan angka na porsea i na susa binahen hamaolon ala mangihuthon Jesus i. Jesus i pe tung godang do abatabat na niadopanna laho mamaritahon ndang pasahathon hangoluon i ni jolma i senadiri.

Alai marhite turpuk on ta on memang dipasahat tu hita asa barani hita jala tapersiaphon ma dirinta laho mangadopi angka hamaolon ni portibion jala mangido pangurupion tu Jesus Kristus asa sanggup hita mandalani jala manaluhon angka hamaolon i.

  1. Roha Na Hibul Mangihuthon Jesus Kristus

Semakin tinggi pohon maka semakin kencang pula angin yang bertiup. Molo nunga adong sada komitmen di bagasan rohanta laho mangihuthon Jesus, komitmen i pe ingkon barani do hita mampartanggungjawabhon i. Halak na markomitmen mangihuthon Jesus, rohana pe ndnag satongasatonga be manghaporseai nang pe mangihuthon Ibana. Ingkon hibul do roha nang pikkiranna mangihuthon Jesus. Ndang songon na tolu halak sinangkaningan na di bagasan tupukkon na godang alasanna ditingki didok Jesus mangihuthon Ibana. Ndang holan parkarejoanta na porlu tapertanggungjawabhon, haporseaonta on pe mangihuthon Jesus porlu do sasintongna hita partanggungjawabhon asa lam tang haporseaonta mangihuthon Ibana.

(CPdt. Moriana H. Sitanggang, S.Th)

Bagikan Postingan ini: