LUKAS 7:1-10

PORSEA, DANG HOLAN NA MANDOK, ALAI MANGULAHON

Patujolo

Kisah na adong diturpuk on, tung do boi idaonta padananna di Matius 8:5-13. Peristiwa manang kisah on ima di huta Kapernaum (huta kapernaum ima huta perikanan jala terletak di pesisir utara Danau Galilea. Atiha i, Kapernaum ima pangkalan serdadu Roma na mangawasi si jalo beo di wilayah i). Tingki dakdanak Jesus maringanan do di Nazaret, alani dung magodang Jesus manjae ma nasida tu Kapernaum. Intisari ni na dua evangelium on, dos do isina (Luk. 7:6b-9 dan Mat. 8:8-10). Di dua bagian on, puncak na ima terletak di hata ni Jesus na mandok “gari di halak Israel gari ndang jumpang Ahu haporseaon na songon i”. Lukas sandiri dang halak Jahudi alai disurathon ibana do evangelium on tu halak no so Jahudi.

Hatorangan

Ayat 1-5. Huta Kapernaum terletak di pantai barat laut Danau Galilea. Perwira (dalam bahasa Latin Centurio secara harafiah na marlapatan do uluan ni saratus serdadu, jala jumlah serdadu i 100 halak) jala dianggap do ibana sada komandan tentara (militer) wilayah setempat, nang pe sebagai uluan ni tangsi serdadu Romawi manang uluan ni pasukan tentara sewaan Herodes Antipas. Artina perwira on dang halak Jahudi, alai ibana sahalak na pantun jala nasa ni isi jabuna biar do mida Jahowa (bnd. Kis. 10:1-2).

Lukas papatarhon sikap na luar biasa tu perwira on tu naposoNa. Sada uluan olo menghargai (dalam terjemahan dalam bahasa Yunani, hata “menghargai” marlapatan do “manghaholongi manang ringkot hian di ibana”) naposona (naposona marlapatan sasahalak baoa. Na karejo tu tuanna alai dang margarar/ margaji. Alani i do didok sebagai “budak”) alai nang pe songoni, dianggap perwira i do ibana dongan Jahowa (ay. 2). Umbege mengenai Jesus (adong do kemungkinan dang holan na sahali ibada umbege “barita ni Jesus”). Alani i do tumagon do dihatahon “umbege barita haroroan ni Jesus” manang “mambege Jesus di huta Kapernaum”, ai disuru ibana do angka sintua ni malim Yahudi (ala nasida do na gabe uluan ni ugamo ni halak Jahudi na dihormati ni halak Jahudi, dohot ni angka na manjadi anggota dewan ni Jerusalem). Marhite-hite uluan ni bangso Yahudi, mangido pangurupion do ibana tu Jesus. Adong anggapan ni ibana lobi ditangihon Jesus i pangidoanna molo diurupi angka sintua ni malim Yahudi i ibana, daripada ibana sandiri na langsung mandapothon Jesus i, alana ibana sebagai sasahalak jolma na so halak Jahudi (non Jahudi) manang sasahalak serdadu na secara langsung manjumpangi Jesus. Alai adong dope alasan-alasan na asing. Menurut ayat 4-5, bangso Jahudi manghatindanghon na mansai burju situtu do perwira on. Dihaholongi ibana do bangso Jahudi. Lapatanna diulahon ibana do na denggan tu halak Jahudi. Naung pe secara resmi ibana memandang halak i musuna, alai ibana do na muse mangulahon pembangunan bagas joro ni Debata di Jerusalem.

Ayat 6-10. Dung laho Jesus tu jabu ni Perwira i, ro ma “angka dongan” ni perwira i manomu Ibana (boi didok dongan ni perwira on dang halak Jahudi, bnd. Kis. 10:24). Nang pe halak Jahudi mandok “siurupan do halak songoni” (ay. 4), alai perwira i sandiri mandok marhite donganna: “dang layak ahu manjalo urupanmu dibagashu ale Tuan” (ay. 6b). Dibagasan hata ni perwira i, boi ma antusan haporseaon ni roha na tu Jesus (adong kerendahan hati ni perwira i ima haporseaon). Alai nang pe songoni ibana, nang pe termasuk angkatan serdadu – mangantusi dohot menghargai angka pendapot ni halak Jahudi, alani i dang olo ibana mambahen hansit ni roha tu nasida. Artina, asa marhite Jesus, dang pala dinajishon dirina laho mamasuki bagas ni sasahalak na so Jahudi. Alasan i ma na mambahen ibana dang secara langsung mandapothon Jesus hatiha i (bnd. Kis. 10:28).

Dungi (marhite perbandingan na dipinjam sian kalangan kemiliteran), ibana manghatindakhon haporseaon na tu Jesus. Molo didok tuan  sada hata, tontu do hata i terjadi. Alana perwira i pe patuh tu hata angka atasanna dohot disude angka perintahna diulahon angka serdaduna (prajurit-prajurit). Lapatanna disi, marhuaso do hata ni atasan tu bawahan, ima haporseaon ni perwira i. Suang songon i ma hata ni Jesus, hata ni Jesus marhuaso do tu halak na mambege jala manghaporseai hataNa. Jala hata i, marhuaso tu na jat, tu sude dosa manang penyakit. Alana dibagasan pangantusion ni perwira i, Jesus dang sarupa dohot sipelebegu (paranormal/ dukun), dang pala mamakke alat-alat manang bahan-bahan pamalumhon angka na marsahit. Alai holan HATA sajo do na pamalumhon sude angka sahit. Ima haporseaon ni perwira i.

Haporseaon ni perwira i do haporseaon na tutu situtu, ima haporseaon dibagasan Jesus Kristus. Alana hata ni Jesus marhuaso dibagas haporseaon na. Haporseaon na songoni ma na seharusna diharaphon dikalangan bangso Jahudi manang bangso Israel (ay. 9). Alai berbanding terbalik do dohot haporseaon ni perwira i. Bangso Israel dang sude manghaporseai hata ni Jesus I (4:28; 5:21; 6:7).

Sebagai perbandingan, molo ta bereng di bagasan turpuk Matius 8:11-12 dung simpul cerita on, adong do kaitanna tu Lukas 13:28-29, ima na marlapatan halak na so mandok Jahudi ingkon parjolo do masuk tu bagas ni surgo i, songon perwira i na porsea tu Jesus sian halak na mandok ibana Jahudi alai dang porsea dohot na so mangulahon hata ni Tuhan i (bnd. Kis. 28:24-29).

Siparhusorhusoron

Halak na porsea tu Tuhan Jesus, ima halak na mangulahon hata ni Tuhan i dang holan mandok dibagasan pamangan. Artina dang sebagai jaminan na mandok ibana Kristen (Pengikut Kristus) jala dang mangulahon hata ni Tuhan i masuk tu bagas ni surgo i. Molo tapikkiri jala tarimangi, haporseaon na sintong tu Tuhan Jesus i, ima na manghaporseai jala na mangulahon. Molo tapikkiri jala tarimangi, hita lobi do sian perwira i. Ibana dang mandok pengikut Kristus, alai porsea tu Jesus. Apalagi ma hita na mandok pengikut Kristus jala mangulahon hata ni Tuhan i. Artina ingkon mangolu ma haporseaon ta, unang be sarupa dohot portibion. Amin.

(C.Pdt. Boy France Tampubolon, S.Th)