PSALMEN 8:1-10

INGOT MA! DEBATA DO MANOMPA JOLMA I, JALA SIAN DEBATA DO HANGOLUAN I

Patujolo

Surat Psalmen digoari do tehillim dibagasan bahasa Heber na marlapatan ende manang puji-pujian. Jala surat Psalmen on ima sada kumpulan puji-pujian, tangiang na dipapungu bangso Israel hatiha i. Jala surat on pe dipakke bangso Israel do dibagasan punguan nasida. Dungi dipamasuk ma tu Bible bangso Israel i. Dibagasan surat Psalmen on, adong do puji-pujian tu Tuhan i, tangiang mangido pangurupion, mangido pasu-pasu, manesa dosa, dla. Angka tangiang na di surat psalmen on adong do na bersifat pribadi dohot bersifat nasional. Na bersifat pribadi ima manggombarhon roha ni sasahalak (bisa saja merasa duka, suka maupun bahagia), molo na asing manggombarhon kebutuhan dohot roha ni bangso ni Israel. Alai umgodang do dibagasan surat ni Psalmen on hata ungkapon haporseaon tu Debata alani nasida manaon pangurupion ni Tuhan Debata, pengalaman haporseaon alani pasu-pasu ni Tuhan ni dang tardok be tu bangso i.

Surat Psalmen on, terbagi do piga-piga bagian. Salah satuna Psalmen 8 on na digurithon ni si David na mamakke syair na mansai uli na digombarhon ibana. Naparjolo dibukka dohot hata hamuliaon jala diujungi dohot hata hamuliaon. Inti ni bindu on ima taringot hamuliaon ni Debata tu bangso na tarpillit i. Psalmen David on ima sada hymne pujian boi do didok psalmen penciptaan. Adong na mandok, Psalmen on sebagai bentuk campuran antara Psalmen puji-pujian, poda manang andung-andung.

Hatorangan Turpuk

Surat Psalmen on, adong kaitanna dohot 1 Musa na mengenai panompaon ni Debata dohot hadudukon ni jolma di tonga-tonga panompaon ni Debata. Jala inti ni Psalmen 8 on ima taringot tu hasangapon, hamuliaon ni Debata dohot inganan ni jolma dibagasan portibion.

Ayat 2-3 “Puji-pujian tu hamauliaon ni Debata”

Dipapatar jala dihatindakkon si David do hamauliaon ni Debata dibagasan portibion. Jala dipatandahon ibana do Debata marhite turpuk on. Alani i do na gabe alasan si David mangalehon puji-pujian tu Debata na diporseai ibana. Di ayat 3 didok do, “Dari mulut bayi-bayi dan anak-anak yang menyusui telah Kau letakkan dasar kekuatan karena lawan-Mu, untuk membungkamkan musuh dan pendendam.” Na marlapatan ima adong dua didok disi, pese-pese dohot dakdanak na manorus dibandinghon kelompok tihus dohot pendendam. Hata pese-pese marlapatan hagalehon dohot haserepon ni roha ni jolma, alai margogo do nasida dibahen Debata sian angka musu-musu na. Hagogoan i ima na marharoroan sian Debata. On ma kelompok ni jolma na mananda pangungkapon dohot hamauliaon ni Debata jala dibaritahon nasida do diganup humaliangna. Dipakke Debata do jolma na metmet i manang na gale laho papatarhon huasoNa di portibion. Apostel Paulus mandok tu huria Korintus, “ai Debata mamillit halak naso diperhitungkan (na gale, na metmet) sian portibion asa gabe pangula di porlak ni Tuhan i. Baliksa istilah musu dohot pendendam marlapatan hahogoan sian jolma dibagasan ginjang ni roha nanaeng pataridahon hadirionna. Esensi na sian musu Debata ima jolma na so mananda goar dohot pangungkapon ni Debata tu jolma i. Alani i dang dipuji nasida Debata di ngolu na siganup ari. Debata do na mamillit jala manjou halak na gale sian portibion laho pataridahon dalan ni Debata na sintong, dang dalan ni jolma. Alani hata ni Debata dang tarpikirhon ni jolma. Artina, asa unang hita jolma patuduhon ginjang ni roha nabe di adopan ni Debata. Puji-pujian tu Debata tarida mai sian halak na umboto hahurangan dohot hametmetan na, jala na marhaposan tu Debata. Baliksa, angka jolma na mangihuthon tahi ni angka parjahat, angka pardosa jala na so porsea tu Debata, dang mamuji Debata alai justru mangarehei angka dalan dohot hatigoran ni Debata.

Ayat 4-5 “Jolma na gale do hita on”

Di ayat 4 didok do, ”Jika aku melihat langit-Mu, buatan jari-Mu, bulan dan bintang-bintang yang Kautempatkan.” Kemungkinan surat on disurat sian parningotan ni si David hatiha di padang penggembalaan di tingki torang ni mataniari jala molo dang tiur be (hagolapon) ibana mamereng bintang-bintang di langit an. Jala dirimangi ibana do ngoluna jala didok ibana dibagasan rohana jolma na mansai metmet jala na gale do hape jolma i. disadari ibana do ai umbalga do Debata sian angka sudena i (jadi-jadian na i). Alani i sahat tu sadari on, sangat menakjubkan do sudena i, jala jolma na manghatindakkon hamauliaon ni Debata. Hata ni Psalmen di ayat 5, “apakah manusia, sehingga Engkau mengingatnya? Apakah anak manusia, sehingga Engkau mengindahkannya?,” ima sada sungkun-sungkun sian rohana alana huaso ni Tuhan i. Jala dialusi ibana do sian rohana, “jolma dang adong guna na molo dang adong Debata i.” Di tonga-tonga ni jadi-jadian ni Debatai, Psalmen takjub alana boi diingot Debata sude angka jolma i dohot dilehon do pasu-pasu secara pribadi, termasuk ma tu Psalmen.

Ayat 6-9 “Jolma ima mahkota jadi-jadianna”

Marhite hasadaron ni jolma i tu Debata, David manurathon di ayat 6, “Namun Engkau telah membuatnya hampir sama seperti Allah, dan telah memahkotainya dengan kemuliaan dan hormat.” Dibagasan 1Musa 1-2 didok do ia jolma ditompa Debata do songon gobar dohot rupa ni Ibana i, jadi dilehon Debata do huaso lobi timbo sian jadi-jadian Debata na asing. Dilehon Debata do mandat laho mangarajai dohot mengelola sude angka na tinompa nai. Mandat/ huaso ni jolma i bertujuan asa jolma i manogunogu sude na tinompa ni Debata i. Hata ni Psalmen di ayat 7-9 mengungkapkan huaso ni jolma i tu angka sude na jinadihon ni Debata secara menyeluruh. Huaso na adong di jolma i pataridahon na umtimbo do derajat ni jolma i sian sude na tinompa ni Debata. Jala i ma na gabe sada refleksi di Psalmen marhite 1Musa 1:26 na mandok jolma i sarupa dohot rupa ni Debata ima rupani baoa manang boru-boru. Nang pe songini, umtimbo do Debata sian jolma i alana adong do keterbatasan ni huaso jolma i sian Debata. Alai molo Debata i dang terbatas alana Ibana nanompa portibion.

Jadi jolma i ima jadi-jadian ni Tuhan na metmet, napunasa hahurangan na binahen ni Debata sian sude angka jadi-jadianNa. Jala dilehon do ima hosa hangoluan na sian Debata na timiru rupaNa.

 Ayat 10 “Pamujion diangka pambahenan ni Jahowa”

Surat Psalmen on marhahujungan di ayat 10 ima panutup na merupakan panutup dohot pengulangan di ayat 2, ima puji-pujian dohot hasongkalan ni Debata. Jala ayat on ma na gabe puncak perenungan ni David, songon dia do ungkapan ni partondion na sunggu-sungguh mananda Debata.

“Apakah manusia sehingga Engkau mengingatnya?” Adakah nilai dan harga diri yang sejati dapat kita peroleh di luar Allah dan firmanNya? Dang adong! Nilai dohot arga diri na sejati di dapot holan sian Debata jala sian hataNa sambing. Boi do hita umboto lapatan dohot tujuan ni ngolunta on di luar ni Debata dohot hataNa? Ndang. Lapatan dohot tujuan ngolunta on boi tajalo marhitehite hataNa na sai marsinondang i. Ima manjalo jala menikmati na tinompaNa.

Siparhusorhusoron

Sian turpuk on, boi do dibuat sada perenungan, ima mulana sian hadabuan ni jolma tu dosa, sai berupaya do jolma i mandapothon hasangapon dohot hagabeon, dla. na adong diportibion, alai sude i di dapot dang sian pangurupion, hatiuron sian Debata. Jolma i nungnga mambahen Debata i dibagasan pikkiranNa, makana sering do terjadi istilah manusia menjadi tuhan bagi manusia. Na marlapatan jolma i boi do gabe debata sisombaon ni jolma i. Dang adong pe lapatan ni Debata dibagasan ni jolma hatiha i. Alani i ma, adong ma dua pilihan dibagas ngolu jolma i, ima mangarehei dirina sandiri manang patimbohon dirina sandiri. Sude tergantung pamillitta be. Sai anggiat ma partinandaanta tu Debata dohot hataNa i lam mangajari hita laho mananda diriNa dohot mamuji goar ni Debata i.

C.Pdt. Boy France Tampubolon, S.Th

Bagikan Postingan ini: