Roma 8:14-17

Huria na nihaholongan ni Tuhanta Jesus,

Didok angka na malo : “Semakin banyak yang saya pelajari, semakin banyak pula yang tidak saya ketahui.”

  1. Kota Roma, hasahatan (alamat) ni barita naulion, ima pusat ilmu pengetahuan (Gnostik) : inganan ni si Pelebegu dohot ragam ni ilmu pengetahuan, ragam ni aliran filsafat na selalu mengandalkan ratio (pingkiran/ parbinotoan portibi) laho mangantusi ruhut-ruhut ni partugamoon.
  2. Ala pusat perdagangan do kota Roma, jadi angka halak Kristen na disini selalu do berpikir tu “materi.” Hape ndang alani materi umbahen na malua jolma i. Ndang ala ni jasa umbahen na sahat haluaon i. Jala halak Kristen ndang dipersatukan di dalam materi. Sian i do titik berangkat ni Apostel Paulus mandok : “Ndada huhailahon barita nauli.” Utangku do i molo so hubaritahon. Alai sebalikna untungku do i molo hubaritahon. Jadi molo tung dipangke Apostel i pe istilah “untung-rugi” di na laho Marbarita Nauli, ala cara berpikir ni halak Kristen Roma selalu diukur/ dihitung dengan Debet-Kredit (Untung-Rugi). Hape songon na hudok nangkin, ndang ala ni “jasa” manang “materi” umbahen na malua jolma i, alai tung ala ni haporseaon (Sola Fide), asi ni roha (Sola Gratia), dohot holan ala ni Hata ni Debata do (Sola Scriptura) Jadi ala haluaon do haporseaon, ala haluaon do asi ni roha, ala haluaon do Hata ni Debata. Gabe untungta do molo so taulahon angka ulaon parasinirohaon, molo so tahasiholi Barita Nauli (Hata ni Debata), gabe utang do molo so tabaritahon Barita nauli i.
  3. Situasi na masa dipartingkian ni turpuk on di Roma, sai songon na tumimbo do idaon kadar iman ni halak Kristen Jahudi sian halak Kristen na diluar Jahudi taringot di pangantusion : “Disangkap haluaon na pinatupa ni Debata” (Taringot tu harajaon ni Debata).

Dihaginjangkon roha ni halak Kristen Yahudi do:

  • Paboa holan agama nasida do na tumingkos (di claim)
  • Dihaginjangkon nasida do pamilliton di Debata marhite ompunasida si Abraham
  • Di etong roha nasida do ianggo hasahatan ni sangkap haluaon na pinatupa ni Debata holan tu bangso nasida do i
  • Laos adong do anggapan di nasida, “tung manag songon di pe ulaon/ pangalaho nasida, anggo Debata tongtong do marasi ni roha tu nasida.

Huria, na nihaholongan ni Tuhanta Jesus,

Tutu situtu do, mansai na ringkot do hapistaran i, jala sude do jolma marsiadu laho mangalului hapistaran i. Marsitutu do angka Natoras laho paborhathon angka ianakhonna tu parsingkolaan laho mangalului parbinotoan/ hapistaran. Alai diragam ni hamaloon/ di ragam ni usaha laho mangalului hapistaran i godang do jolma sala mangantusi, ise jala sian dia do sumber ni hapistaran i jala boha dipangalaho ni halak na pistar?

Psalm. 110:10 mandok, “Biar mida Yahowa do parmulaan ni habisuhon, maruli hapistaran na sumurung do sude angka na mangulahonsa, hot do Baritana i rodi salelengnilelengna.” Roma 11:33, “Bagasnai antong hamoraon, hapistaran dohot parbinotoan ni Debata. Na so hasigatan do angka uhumNa jala naso habogasan do angka dalanNa.”

Bertitik tolak sian pangantusion ni halak Kristen Roma na sala i do, Apostel Paulus, mamuhai turpuk di Jamita on, mandok, onpe ale angka dongan, unang be hita mangadop di daging, marparange marguru tu daging. Ai molo marguru tu daging hamu marparange, mate ma hamu, alai molo dipamate hamu parulaon ni pamatang marhitehite Tondi i, mangolu ma hamu. Unang mangadop di daging! Ndada songon pangantusion ni deba halak na mandok, “mangorom mangallang siallangon (sipanganon), contoh: adventis, manang mangorom manghatai dohot halak na asing, manang papulik diri mangetong dirina umpolin sian halak na asing(menganggap diri lebih suci/ lebih kudus dari orang lain padahal penuh kemunafikan). Alai pasidingkon hisap-hisap ni dagin naung maralo tu patik ni Debata do na nidokna.

Di Galatia 5:19-21 disurathon Apostel Paulus do angka parulan ni daging, “Ai tandap do parulan ni daging, ima : parmainanon, hahodaron, pargandombuson, hasipelebeguon, hadatuon, parmusumusuon, parbadabadaon, pangiburion, rimasrimas, pargutugutuon, parsalisian, partahitahion, bunubunu, parmabuhon, haormuson jala angka na suman tusi. Angka i ma na mambahen hita gabe dao sian lomo ni roha ni Debata. Alai dipangkuli turpuk on do hita ganup marsada-sada asa “Marparange marguru tu tondi.” Dipatorang Apostel Paulus do panghorhon ni Tondi ni Debata na mangula di ganup jolma : marhite tondi i dipatau jolma i tu angka ulaon na so maralo tu lomo ni roha ni Debata.

Parbue ni tondi ni Debata namian di diri ni jolma, ndang mambahen hita mabiar jala ganggu, alai dilehon Debata do tondiNa asa margogo jolma i mangulahon hatigoran dohot hasintongan. Tajaha ma jolo Galatia 5:22 i, “alai angka on do parbue ni tondi, holong dohot las ni roha, dame dohot lambas ni roha, habasaron, habasaon, haporseaon, halambahon dohot hatomanon.” Marhite on ma tapamate angka parulaon ni daging na mambahen hita gabe sega. Tondi ni Debata mambahen hita barani manghatindangkon jala manjohon “Abba” (Ale Amang, tu Debata). Laos Tondi i muse do manghatindangkon, paboa na tutu hita Anak ni Debata. Gabe anak ni Debata do hita marhite-hite hamamate ni Kristus Jesus jala gabe panean (pewaris) di harajam ni Debata. Didok Apostel Paulus di jamita on, “Ai nasa tinogihon ni tondi ni Debata, angka i do anak ni Debata.”

Tutu, Debata do manompa saluhut jolma na dihasiangan on, alai ndang saluhut jolma martohonan anak manang boru ni Debata. Nunga disirang dosa jolma i sian Debata. Holan sada nama na boi manggoari dirina Anak ni Debata, ima Jesus Kristus. Ibana ma na nidok ni Apostel Paulus “Anak ni Debata sandiri”. Alai marhite Anak ni Debata na sasada i, ima Jesus Kristus di ain Debata ma hita gabe anak dohot boru ni Debata. Namangihut na naeng dohonon ni turpuk on, halak na pinalua marhitehite asi ni roha ni Debata ndada gabe so mangadopi sitaonon di Roma 5:1-5 tangkas do dipatong Apostel Paulus paboa i tahalashon do nang angka haporsuhon. Boasa? Ai dihorhon haporsuhon i do habengeton ni roha, dihorhon habengeton ni roha i do hatuaon, jala hatauon i manghorhon pangkirimon.

Dilehon Apostel i do pangapulon tu hita asa tongtong marsihohot marhaporseaopn tu Kristus molo tongon ta adopi ragam ni angka haporsuhon. Didok ibana, “ai hurajumi angka sitaonon di hasiangan on, hira na so ada do martimbangkon hasangapon sipapaturon tu hita sogot.” Lapatanna disi hamu angka dongan, saleleng di tano on hita ingkon adopan do ragam ni angka parungkilon dohot angka sitaonon. Alai di ari sogot i ndang be masa disi partangison, alai tung las ni roha nama. Alani i ndang boi dohononta, “Boasa be sai songgop parungkilon i tu ahu, ai nunga huhiuthon Kristus. Dokdok do silang na ampe tu hita na ingkon siporsanonta, alani i naeng mangolu hita di bagasan pangkirimon.

Huria, nanihaholongan ni Tuhanta Jesus,

Marhite turpuk jamita on adong manang napiga na naeng dohononna tu hita:

  1. Patuduhon ma parange hatiuron di adopan ni Debata. Molo taida na masa ditingki na parpudion, lam mangimbukbuk do hajahaton ni jolma di portibion. Torop jolma naung korban hinorhon ni angka ragam ni hajahaton i. Molo tabege disiarhon di TV isarani barita criminal : sergap, sidik, buser, patrol, ngeri do idaon angka na masa i! Ndang jarang be tabege ditingki on sahalak ama mamunu anakna sandiri, seorang bapa membunuh isterinya dengan sadis. Sada ina mambolongkon dakdanak natinubuhonna, dohot angka na masa na asing na so porlu pajojoron sian jamita on. Songon i muse do nang dingolu ni angka naposo bulung (pemuda/i dan remaja) na lam barani mangula angka ulaon naung maralo tu hata ni Debata mangoloi hisap-hisap ni dagingna (ingin senang sesaat). Ulaon aha pe di ula asal ma dapot hepeng. Mangisap ganja, morpin, sabu-sabu (narkoba), pergaulan bebas, pelecehan seksual, perampokan, manangko, dohot na asing.
  2. Tapangke ma Tondi Porbadia na sian Debata. Silehon-lehon ni Debata do i dihita. Tajangkon mai asa margogo hita.
  3. Marbenget ni roha ma hita uju masa parungkilon.

Parangehon hamu ma natama di adopan ni Debata:

  1. Orom ma hisaphisap ni dagingmu
  2. Sai olo ma hita ditogihon Tondi ni Debata
  3. Margogo ma hita mangadopi parungkilon i. Amen.

Pdt. Jansen Simanjuntak, MTh, MM

Kepala Departemen Marturia

Bagikan Postingan ini: