5 MUSA 26:1-11

Patik ni Debata tongtong mangajarhon tu bangso Israel asa ingot nasida laho pasahathon pelean patumona ni naniulanai dohot saparsapulu sian na niula nasida. Saluhut nai manggombarhon hamauliateon nasida tu Debata ala naung didongani asi dohot holong ni Debata haruar sian tano parhatobanon (Mesir) masuk tu tano Kanaan (ay. 5-9).

Adong dua pangantusion sian segi teologi taringot tu pasahathon gabe pelean :

1. Di tingki masa harajaon ni Raja Firaun, na dilumbahon raja i ingkon mate sude nasa buha baju ni bangso Israel digoari doi Paskah, gabe ingkon ingoton mai ganup taon, diganup taon di ari i ingkon pasahathon ni bangso Israel ma pelean laho marningot tingki i, jala pelean naso marlaok/sulung sian na niula. Di tingki Jesus mangan parpudi rap dohot angka SiseanNa (Markus 14:12-21) tong do digoari i Paskah, jala tu hita saonari molo didok Paskah taingot do hamatean ni Jesus di hau pinarsilang laho manobus dosata. Gabe Ibana singkatta tu hau pinarsilang i, asa unang tarsilang hita.
2. Pasahathon na dumenggan (hasil pertama/sulung) tu Debata. Songon hamauliateon ni roha nasida (bangso Israel) tu Debata, ala dipanghilalahon nasida godang situtu pasupasu na nilehon ni Debata tu nasida angka ulaonna di huta dohot dibalian nda patut ma nasida pasahathon pelean na i (ay. 5) ?

Alai asing ni na pasahathon pelean panurirang Musa mangharikothon tu bangso i, dung diboan nasida pelean i tu bagas joro ise do pasahathon tu Debata ? Nungga disi Malim Lepi na laho pasahathon i tu Debata, jala sian pelean na pinasahat nasida i ma gabe parjambaran (kesejahteraan) ni malim i (ay. 3, 4 dan 11), bdk (3 Musa 10:12-20). Sungkun-sungkun boasa ingkon sian halak Lepi na laho pasahathon pelean i tu Debata ? Boi taida sian 2 Musa 6:13-26, didok disi alasan na paling mendasar ala si Musa dohot si Harun sian horong ni halak Lepi do.

jala ingkon malim do na boi (berhak) pasahathon dohot manguluhon partording ni ulaon pasahathon pelean tu Debata. Ala naung ditodo Debata do malim i na tongtong badia dohot parngoluonna di joloNa. Jala boi taida on tu huriata di partingkian si saonari on, asa unang hita asal laho manodo/mamilit Sintua/Parhalado na gabe uluanta nasida di sada-sada huria, jala naeng ma hita naung martohonan pe manjaga habadiaon ni tohonanta, di jolo ni Debata naung pasahathon tohonan i tu hita.

HAHONAAN

Di huriata di jaman si saonari on, na rumingkot sian na pasahathon pelean i manang patumona ni na niula, manang pasahathon hamauliateon saparsapulu sian na taula, nungga lam ngali, jala ndang tung taharingkothon be, gabe taanggap nama pasahathon pelean i songon na neang di rohanta (formalitas). Dang be na dumenggan sian patumona na niulai tapasahat ndang sian ias ni rohanta be pasahathon pelean, bahkan godang sian hita gabe hera na terpaksa pasahathon hamauliateon ni rohanta tu Debata.

Ala ni i marhite hata ni Debata di turpukta on, diarahon hita asa tongtong pasahathon  hamauliateon na dumenggan sian na adong di hita tu Debata, unang ma gabe alasanta, humurang do au di sibaenon, humurang do au di arta, dohot angka na asing i. Alana ingkon tongtong taingot Tuhan Jesus Kristus, Anak ni Debata na sasada i, pasahathon dirina, jala olo mate tarsilang laho humokkop hita (lihat Heber 7:26-27; 9:14, ay. 27-28).

Angka hita naung Parhalado ni Debata di huria i (Sintua, Guru Jemaat, Pandita) unang ma nian marlaok habadiaonta i diadopan ni Debata marhite angka parniulaonta naso ture maradophon Debata nang maradophon dongan jolma. Naeng ma nian hita gabe tiruan di ulaonta siganup ari, na boi tangkas diida angka huria i, jala denggan ma tapangke dohot takelola angka hamoraon ni huria i (memanagement uang dan persembahan) laho pasangaphon Debata, unang ma laho pamorahon dirinta (korupsi di Gereja, lihat Lukas 16:10-13), asa sahat Barita Nauli i tu ujung ni portibion. (MBW)