Johannes 16:12-15

NDANG OLO TARGASIP HINORHON NI MANANG AHA PE

Patujolo

Kecewa jotjot do dialammi angka halak na olo maranganangan hape ndang tulus anganangan na di roha na i. Molo holan sai mangkhirim do iba didongan hape ndang saut songon pinarsitta ni roha dipatulus dongan olo do iba kecewa. I na tong diadopi sisean ni Tuhan Jesus dungkon dipaboa Tuhan Jesus rimpun ni ulaonNa. Gabe adong ma rasa kecewa di nasida umbege saluhut hata ni Tuhan Jesus. Tangkas dipabatohon Tuhan Jesus tu angka siseanna na ingkon laho do Ibana manandingkon nasida. Gabe songon na bonsa do roha ni sisean i mangingot di pangidoan ni roha nasida asa ma nian jongjong Tuhan Jesus gabe raja secara politik manggogomi nasida. Alai gabe dipauba Jesus do pangidoan nasida i marhitehite pangajarion dohot soso tu angka na naeng masa tu nasida molo dung ndang rap nasida dohot Tuhan Jesus. Adaong do rasa kecewa manang gabe holsoan  boha nama nasida molo dung ndang be nasida rap dohot Jesus. Tutu olo do masa angka sisongoni dingolu ni halak Kristen na porsea tu Tuhan Jesus.

Hera na gabe mambahen ungun do roha ni angka sisean dipandohan ni Tuhan Jesus (bnd. 5 Musa 32:39).  Tangkas dipaingot Tuhan Jesus mansosoi siseanani asa unang gabe targasip nasida hinorhon ni angka halak na olo pagosagosa jala mangalelei nasida annon molo dung ndang be Tuhan Jesus rap dohot nasida. Alasan dipabotohon Jesus taringot tu angka hasusaan i asa diboto angka sisean i do konsekuensi manang resiko na ingkon siadopan nasida mangihuthon Tuhan Jesus saleleng ni ngoluna, suang songoni ma halak Kristen dihasiangan on molo tapamanat haporseaonta na mangihuthon Tuhan Jesus otomatis ingkon rade manang siap do hita di angka kesulitan na naeng sihadapanta.  Boi do berengonta sian pardalanan ni ngolu ni angka sisean ni Tuhan Jesus na mate holan humohop haporseaonna dohot barita nauli. Dilelei do nasida sian bagas joro dibunu jala dipamate do songon binatang. Nang tu ngolu saonari godang do angka panggomgoi ni haportibion na olo mambahen angka hasuasuan di ngolu ni angka halak na porsea di Tuhan Jesus. Boi do i berengonta godang do naeng secara politik halak mangalului angka dalan laho manusai ngolu ni angka halak na porsea laho pajimput rohana asa gabe targasip. Molo tapihutihut jotjot do boi tabereng godang angka halak na pistar i songon na patupahon ulaon na denggan berengon hape lan do mambahen hasuasan di angka halak na gale. Didok do nasida suruan ni Debata laho paturehon ngolu ni angka halak na dango hape lam mamorsan dohot mangalelei do ulaonna. Angka halak na olo pajojong hatigoran jotjot do i dipasiding manang diambolongkon sian angka na torop, ndang be dipatarida habadiaon ditongtonga ni angka ulaon dohot keadilan ditongatonga ni na mambuat keputusan. Istilah mensejahterahkan dipangke hape lam paporsukkon lam tamba do angka halak na pogos hinorhon ni na ginosagosa ni angka halak na marpolitik kotor. Marisuang do ngolu ni halak na mandok mananda Debata dohot mangutusi ugamo alai holan na mamorsan angka halak n aporsea di TuhAN Jesus.

Molo tung pe dipaingot hita taringot tu angka na masa sisongoni ndang na naeng pabiarbiarhon hita manang asa gale haporseaonta, alai na naeng paingothon hita do i bahwasanya nunga didok Tuhan Jesus i  mula sian na rap dope ibana dohot siseanna. Ido tong na mambahen hita asa tongtong hot haporseaonnta di Tuhan Jesus. Ala jotjot do jolma alani angka parungkilon do hasuaan na masa dingolu na gabe lilu manang ditadingkin haporseaonna tu Tuhan Jesus. Aut sura alani hutang manang ala na manangko halak na porsea di Tuhan Jesus gabe disusai ngolu nasida boi doi dohonan gabe sehera ganjaraan, alai ndang songoni hape. Tangkas boi do berengonta gabe hera halak Samaria na so mananda Debata do nasida dipambahenan i. Jesus Kristus do mangalehon pangkhirimon tu sude siseanna dohot tu angka halak na torop i alai laos ibana do muse mamonggolhon pangkhirimon na i marehitehite pamodaion ni Jesus taringot tu sitaonon na naeng masa tu ngou ni nasida (ay. 1-6). Asa molo nunga dipaingot hita parjolo gabe lam mura ma antusanta dohot paradehon dirinta laho mangadopi saluhut na i.

Alai dipamanat Tuhan Jesus do nasida tu Pangondian na manopot jolma i (Ay.7).  Asa ndang dohonon ni angka sisean i be, molo so rap nasida do Tuhan Jesus gabe ndang margogo nasida laho mangodopi angka halak na naeng mangalelei nasida dohot hinajorbut ni portibion. Alai naeng ma dohonon ni marhitehite jamita on ia pe molo sian secara daging sisean i ndang rap dohot Jesus na naeng dohononan ia Tondi ni Debata i ma na gabe pangondianon di ngolu ni halak Kristen.  Marhitehite Tondi i ma na mangajari jala na mangalehon hagogon di halak na mangihuthon Tuhan Jesus. Molo ditingki rap sisean i dohot Tuhan Jesus sude angka hajahaton ditujuhon tu Tuhan Jesus, songoni ma sahat tu ngolu ni halak Kristen disosoi tu hita angka hajahaton sahat do ro tu ngolunta asa marpangondianon hita tu Tondi ni Debata. ndang ploa ingkon gabe parjahat hita mambaloshon angka hajahaton alai mardongan hadameon asa monang hita mangalo angka hajahaton di portibi on.

Tuhan Jesus nagkok tu surgo borhat laho mandapothon ama ndang naeng mandok naso ringkot be di Ibana angka na mangihuthon Ibana, alai asa lam sangap do Tuhan Jesus di sude ulaonna i. Asa nang hita pe halak Kristen dihasiangan on taingot ma dipasahat Tuhan Jesus do ulaon na mansai ringkot di hita asa saluhut na i taulahon dalan laho pasanganhon Tuhan i. Tung pe Tuhan Jesus ndang rap dohot hita sian pardangingon alai Tondi na i ma na mandongani jala na mangajari hita asa unang targasip hita hinorhon ni angka hasusaan na binahen ni jolma, alai tong hot haporseaonta. Molo tongtong do hita rap dohot angka halak na badia nang dohot angka parjamita hita sahalak Kristen olo do hita gabe ketergantungan manang tongtong mangolu haporseaonta i holan molo dilambungnta nasida, gabe ndang ta attusi be mambahen angka hinadenggan manang angka kebijaksanaan. Alai molo tung pe ndang rap hita dohot nasida alanni Tondi ni Debata do na mandongani hita laos i do mandongani hita laho mangalaho angka hajahaton dohot angka halak na olo pagogosa hita.

Pdt. Widya Sinaga, S.Th